Pas fjalimeve, protestuesit kanë nisur marshimin në rrugët e Tiranës, duke vijuar protestën e 125-të të qëndresës.

Qytetarët janë nisur dhe po lëvizin në disa prej akseve kryesore të kryeqytetit, ndërsa thirrjet kundër qeverisë shoqërojnë marshimin.

“Arrestoni Ramën!”, “Qeveri e krimit!” dhe “Rama jepe dorëheqjen!” janë ndër thirrjet që dëgjohen gjatë protestës.

Protestuesit mbajnë flamuj kombëtarë dhe pankarta në duar, ndërsa marshimi vijon në rrugët e Tiranës.

Qytetarët shprehen se nuk do të ndalen dhe se protesta do të vijojë edhe në ditët në vazhdim.

Marshimi pritet të vijojë në akset e kryeqytetit.