Videot intime që janë regjistruar në shtëpinë e kompozitorit Adi Hila dhe kanë rrjedhur tashmë në internet, tregojnë...
AKTUALITET
Ky është i riu që kërcënoi biznesmenin në Peshkopi, shok me djalin e tij
PiranjatPërditësimi i fundit 3 Tetor 2026, 12:46
Personi që shikoni në foton e mësipërme është Engjëll Karoshi, 21-vjeçari i arrestuar nga policia për kërcënimin ndaj biznesmenit Zija Shulku në Peshkopi.
Sipas hetimeve, Karoshi e njihte biznesmenin pasi ishte shok me djalin e tij. Para hetuesve, 21-vjeçari ka pranuar se ishte autori i kërcënimit dhe ka deklaruar se e kishte bërë në formë presioni, me qëllim që t’i merrte biznesmenit 50 mijë euro.
I riu dyshohet se kishte vendosur një kuti, e cila pretendohej se përmbante lëndë plasëse, në një cep të karburantit. Ai kishte shkuar në këmbë dhe, pas vendosjes së kutisë, kishte hequr rrobat që kishte veshur dhe i kishte hedhur në një kosh.
Më pas, Karoshi ishte rikthyer pranë karburantit dhe kishte qëndruar aty duke parë ndërhyrjen e policisë dhe neutralizimin e kutisë së dyshimtë.
Hetuesit kanë kqyrur dhjetëra kamera sigurie në zonë dhe kanë rindërtuar lëvizjet e autorit, duke arritur të identifikojnë 21-vjeçarin.
Në letrën e lënë bashkë me kutinë kërkoheshin 50 mijë euro, ndërsa ishte përcaktuar edhe adresa ku paratë duhej të transferoheshin në Bitcoin.
Kutia u neutralizua nga specialistët e RENEA-s dhe nga verifikimet rezultoi se brenda saj nuk kishte lëndë plasëse.
Hetimet për ngjarjen vijojnë nën drejtimin e Prokurorisë.
