Bradley Cooper do të marrë rolin e Duke në filmin e ri “G.I. Joe”, një rindezje e ekskluzivitetit të Paramount dhe Hasbro, me regji të Danny McBride.
Cooper do të interpretojë Conrad S. Hauser, i njohur si Duke, një nga personazhet kryesore dhe lideri i ekipit G.I. Joe. Në filmat e mëparshëm, roli u luajt nga Channing Tatum.
McBride do të drejtojë filmin dhe ka bashkëshkruar skenarin me Jeff Fradley dhe John Carcieri. Detajet e historisë mbahen ende të fshehta, ndërsa projekti pritet të sjellë një version të ri të universit “G.I. Joe”.
Regjisori ka treguar më herët se historia do të përqendrohet te Duke dhe pjesëtarët e tjerë të ekipit, ndërsa një pjesë e ngjarjeve do të zhvillohet në Springfield, një qytet që në universin e “G.I. Joe” kontrollohet fshehurazi nga Cobra.
Filmi i ri nuk do të jetë i lidhur me filmat e mëparshëm “G.I. Joe” dhe as me projektin e paralajmëruar më herët që do të bashkonte “G.I. Joe” me “Transformers”. Ky ‘crossover’ nuk është më në zhvillim.
Për momentin, projekti nuk ka një datë zyrtare të premierës. Xhirimet pritet të nisin në vitin 2027, ndërsa detaje të tjera për kastin dhe historinë pritet të publikohen më vonë.
