Gjykata ka caktuar masën e sigurimit personal “arrest në shtëpi” për këngëtarin Erind Xhaferi, pas shqyrtimit të kërkesave të Prokurorisë.
Prokuroria kishte kërkuar vleftësimin si të ligjshëm të arrestit në flagrancë, si dhe caktimin e masës së sigurimit personal “arrest në shtëpi” për të dyshuarin.
Pas shqyrtimit gjyqësor, gjykata pranoi të dyja kërkesat e organit të akuzës.
Në arsyetimin e vendimit, gjyqtari i çështjes vlerësoi se ekzistonin kushtet dhe rrethanat për caktimin e masës “arrest në burg”, të parashikuar nga neni 238 i Kodit të Procedurës Penale.
Megjithatë, gjykata nuk mund të caktonte një masë më të rëndë se ajo e kërkuar nga Prokuroria, pasi neni 244, paragrafi 3, i KPP-së e kufizon këtë mundësi. Për këtë arsye, ndaj Xhaferit u caktua masa “arrest në shtëpi”.