Presidenti ukrainas Volodymyr Zelensky ka paralajmëruar se Ukraina do të intensifikojë sulmet ndaj rafinerive ruse të naftës, në përgjigje të sulmeve të Moskës ndaj infrastrukturës energjetike të Ukrainës. Në një intervistë për “Reuters”, Zelensky tha se Kievi synon të godasë objektet që i sigurojnë të ardhura Rusisë për financimin e luftës, por theksoi se Ukraina nuk do të ndjekë të njëjtën qasje ndaj objektivave civile.
Zelensky tha gjithashtu se nuk sheh shenja se Vladimir Putin është i gatshëm për negociata dhe kritikoi përpjekjet për të arritur marrëveshje përmes kompromiseve me Moskën. Ndërkohë, presidenti ukrainas deklaroi se një kundërofensivë e koduar “Vivaldi” ka rimarrë rreth 140 kilometra katrorë në Donbas. Ai foli edhe për raketën e re ukrainase FP-9 dhe për përpjekjet e Kievit për të zhvilluar sisteme të reja kundër dronëve rusë Shahed.
“Me sulmet e tyre ndaj energjisë sonë, ne duhet t’i përgjigjemi energjisë së tyre. Para së gjithash, rafinerive, çdo gjëje që u jep atyre para për këtë luftë”, ka thënë ndër të tjera presidenti ukrainas.
Sondazh
Lexo gjithashtu
