PAMJET/ Si përleshën pasagjerët me pilotin që tentoi të rrëzonte avionin 

Brenda pak minutash, fluturimi i “Fly Dubai” kaloi nga pragu i tragjedisë në shpëtim. Kjo është ajo që dëshmohet nga pasagjerët që arritën të ndalonin pilotin që u përpoq ta rrëzonte avionin “Boeing”. Rreth 180 pasagjerët zbarkuan në Izrael të mërkurën pasdite, me të dashurit e tyre që i prisnin në aeroport.

Kryeministri izraelit Benjamin Netanyahu ishte gjithashtu atje dhe pati mundësinë të fliste me pasagjerët. Një nga tre pasagjerët që arriti të ndalonte pilotin që sulmoi kolegun e tij tha se piloti i plagosur arriti të hapte derën e kabinës pak para se të rrëzohej nga plagët e marra.

Kështu ata hynë në kabinën e pilotit, ndaluan sulmuesin dhe arritën ta stabilizonin avionin, i cili ra brenda pak sekondash nga afërsisht nga 34,000 këmbë në 18,000 këmbë.

Jika Manesh, një nga tre pasagjerët që ndërhynë, i tha kanalit izraelit “Channel 12” se si e perceptoi atë që ndodhi në kabinën e pilotit.

Ai tha se gruaja e tij po e çonte vajzën e tyre të vogël në tualet në pjesën e përparme të aeroplanit kur dëgjoi britma dhe një përleshje që vinte nga kabina e pilotit. 

Gruaja e tij më pas njoftoi një asistente fluturimi dhe i tha asaj të shkonte në kabinën e pilotit për të parë se çfarë po ndodhte.

Në atë moment, piloti ra nga dera e kabinës, ndërsa bashkëpiloti e qëlloi me thikë. Piloti i plagosur është indiani Smit Mahar, i cili punon në Dubai. Fillimisht u raportua se ai ishte një pilot nga Emiratet e Bashkuara Arabe. ©LAPSI.al