Aksidentoi këmbësoren e cila humbi jetën/ Arrestohet i riu në Tiranë

Një 20-vjeçar i cili aksidentoi një këmbësore e cila ndërroi jetë më pas në spital, është arrestuar nga policia.

Në pranga është vënë shtetasi, E.M., i cili pasditen e djeshme, me motomjetin që drejtonte aksidentoi në Rrugën e Dibrës shtetasen Sh.M., 75 vjeçe.

Nga aksidenti mbeti i plagosur dhe vetë 20-vjecari. Ai ndodhet në spital dhe jashtë rrezikut për jetën.

Njoftimi i policisë:

Tiranë

Specialistët e Komisariatit të Policisë Rrugore Tiranë arrestuan në flagrancë shtetasin E. M., 20 vjeç, pasi më datë 03.10.2026, rreth orës 19:35, në Rrugën e Dibrës, me motomjetin që drejtonte, ka aksidentuar këmbësoren, shtetasen Sh. M., 75 vjeçe, e cila ka ndërruar jetë rreth orës 22:40, në spital.

Gjithashtu, është dëmtuar dhe drejtuesi i motomjetit, shtetasi E. M., i cili ndodhet në spital, jashtë rrezikut për jetën.

Materialet procedurale i kaluan Prokurorisë, për veprime të mëtejshme. /CNA