Shqipëria dhe Mali i Zi, me komisionerë në BE para anëtarësimit

Shqipëria dhe Mali i Zi mund të dërgojnë një komisioner në Bruksel përpara se të bashkohen zyrtarisht me BE-në.

Sipas medias belge Rapporteur, zyrtarët e lartë të BE-së po shqyrtojnë rritjen e nivelit të përfshirjes që anëtarët e rinj do të kenë gjatë fazës së fundit të udhëtimit të tyre drejt bllokut.

Ideja do t’u ofronte vendeve kandidate një përfshirje më të madhe pasi ato të nënshkruanin një traktat pranimi, por përpara se të 27 vendet e BE-së të përfundonin ratifikimin kombëtar, një proces që mund të zgjasë me vite.

Komisioneri i ri do të jetë në gjendje të japë mendimin e tij në takimet e Kolegjit të Komisionerëve dhe të ndihmojë në formësimin e legjislacionit të BE-së, një e drejtë që deri më tani ka qenë e rezervuar për zyrtarët nga shtetet anëtare.