Pas publikimit të videove intime të filmuara në mënyrë sekrete nga kompozitori Adrian Hila, ka reaguar edhe artistja Blerina Matraku.
Përmes një deklarate publike, ajo ka kërkuar falje dhe ka theksuar se nuk dëshiron të justifikohet, por të marrë përgjegjësinë për veprimet e saj.
Matraku u ka kërkuar ndjesë personave të prekur nga ngjarja, veçanërisht famijles së Hilës, Klaudias dhe vajzave të saj, ndërsa ka folur edhe për cënimin e privatësisë dhe besimit të saj.
Deklarata e plotë e këngëtares:
Sot nuk dua të mbrohem, dua të kërkoj falje.
I drejtohem së pari publikut, ç’do individi, që është tronditur lënduar apo ndjerë i prekur nga kjo situatë…
Ju kërkoj ndiese me përulesi dhe vërtetësi.
Ju lutem, për vetëm një minutë, hiqini nga mendja ato imazhe që nuk përfaqesojnë askënd por cënojne gjithkënd, dhe shikoni pertej, një njeri, që po përballet me sfidën më të madhe e me pergjegjesi shoqerore e jo vetem, atë të moralit.
Nuk jam këtu për të justifikuar, jam këtu për të marrë përgjegjësine time. Kërkoj ndjesë, për besimin, që dikujt i dhashë në momentet me vulnerabel të jetës sime, besim i cili mu përdor për arsye të paditura e të paidentifikuara ende.
I kërkoj ndjesë Klaudias dhe vajzave të saj, për ç’do lot apo dhimbje të shkaktuar, dhe që do paguhet me drejtësi hyjnore.
Pamvaresisht se më është cënuar në formen më çnjerezore të mundshme privatësia ime, marr përgjegjësinë e veprimeve të mia të cilat, sikur ti paguaja me jetë.
Jam thjesht një artiste e një profili të ulët artistik, pa famë, çmime e suport, një grua e cila për fat të keq është përballur e vetme me sfidat e jetës e që i është dashur të buzeqeshë me preteksin që lotët në sy, ishin lot gëzimi…
Sot ju lutem publikisht, “Mjaft,”
Mos shpërndani më…
Gabimi kërkon përgjegjësi, të cilën po e marr mbi supe dhe po e paguaj ç’njerëzisht.
Dhimbja kërkon rrespekt.
Mjaft ju lutem.
Jam njeri, që më është cënuar privatësia…
Përulesisht
Blerina Matraku
