Shqipëria po përjeton një zgjatje të periudhës së nxehtë, me temperaturat gjatë verës 2026 që rezultuan ndjeshëm mbi mesataren klimatike. Sipas të dhënave të Shërbimit të Kopernikut për Ndryshimet Klimatike, temperatura mesatare e ajrit gjatë muajve qershor-gusht ishte rreth 1 deri në 2.5°C mbi mesataren e viteve 1991-2020.
Një tjetër tregues i rëndësishëm është rritja e numrit të ditëve të verës, të cilat përkufizohen si ditë me temperaturë maksimale mbi 25°C. Sipas hartave të Copernicus, pjesa më e madhe e territorit shqiptar regjistroi rreth 15 deri në 25 ditë më shumë me temperatura mbi këtë prag, krahasuar me mesataren e periudhës 1991-2020.
Gjatë verës, vendi u përfshi gjithashtu në zonat me “stres shumë të fortë nga nxehtësia”, ndërsa gushti u karakterizua nga kushte më të thata dhe rënie e lagështisë së tokës. Në nivel europian, vera e vitit 2026 ishte 1.17°C më e ngrohtë se mesatarja 1991-2020, duke u renditur si vera e tretë më e ngrohtë e regjistruar në të dhënat ERA5.
