Këtë të hënë, me anë të një mesazhi në rrjetet sociale, Presidenti Bajram Begaj, ka uruar studentët dhe pedagogët me rastin e nisjes së vitit të ri akademik, duke e cilësuar atë si një udhëtim të ri përkushtimi dhe sfidash.
Begaj thekson se roli i Universiteteve shkon përtej përgatitjes profesionale, pasi ato kontribuojnë edhe në formimin e qytetarëve të angazhuar.
Të lidhura
None found
“Universitetet janë vatrat ku formohen jo vetëm profesionistët e aftë të së nesërmes, por, mbi të gjitha, qytetarët e angazhuar që do të ndërtojnë të ardhmen e vendit”, shkruan ai.
Kreu i shtetit u ka uruar studentëve të kenë kurajë për të ëndërruar, disiplinë për të punuar fort dhe besim për të arritur suksesin.
Mesazhin e tij, Begaj e mbyll me urimin për një vit të mbarë akademik, të mbushur me mundësi të reja për të gjithë studentët dhe pedagogët.
