FBI arrestoi një grua 34-vjeçare në Aeroportin Ndërkombëtar të Los Anxhelosit të dielën me akuzën se ka vepruar si agjente e padeklaruar për Kinën dhe spiunazh ndaj djalit të presidentit të Tajvanit, Lai Ching-te.
Wanying “Heather” Zhang dyshohet se ka udhëtuar për në Seattle në vitin 2025 me udhëzim të zyrtarëve kinezë dhe u ka dhënë atyre foto, video dhe informacion për targat.
Sipas dokumenteve të gjykatës, Zhang dyshohet se e organizoi udhëtimin me një bashkëpunëtor dhe përdori teknika për të shmangur zbulimin gjatë mbikëqyrjes.
34-vjeçarja dyshohet se mblodhi fotografi dhe video të objektivit, si dhe informacione mbi targat e automjeteve, më pas ua përcolli materialin personave të dyshuar kinezë.
Zhang, një banore e Irvine, Kaliforni, u arrestua nga agjentët e FBI-së ndërsa po përgatitej të hipte në një fluturim për në Shangai. Ajo është akuzuar se ka vepruar si agjente e një qeverie të huaj pa njoftim të duhur për autoritetet amerikane.
