Protesta para Kuvendit vijon edhe pas miratimit të projektligjit

Protestuesit nuk janë larguar nga hapësira para Kuvendit të Kosovës, edhe pse projektligji u miratua në lexim të parë.

Çlirim Haziri, një prej organizatorëve të protestës, deklaroi se votimi i sotëm nuk shënon përfundimin e protestës.

“Këtu nuk mbaron, këtu veç sa ka filluar”, u shpreh Haziri.

Ai bëri të ditur se protestuesit do të qëndrojnë aty deri në miratimin e projektligjit edhe në lexim të dytë.