Berisha: Komisioni i Sigurisë të ndërmarrë hetim për grupin e strukturuar kriminal të Edi Ramës dhe Vlora Hys...
Deputetët e PD mbërrijnë në Kuvend, hyjnë nga hyrja anësore për shkak të protestës 5 Tetor, 15:22...
"Deputet i shitur"/ Protestuesit "kapin" para Kryesisë së Kuvendit edhe Klevis Balliun: Pse nuk i mbron banorët e Astirit? (VIDEO...
"Reformë me 4 nene vetëm ju mund të bëni"/ Strazimiri përplaset me Manjën: Keni ‘përdhunuar’ Kush...
• Kryetari i Partisë Demokratike, Sali Berisha, gjatë mbledhjes së grupit parlamentar, ka bërë thirrje për pjesëmarrje masive në protestën kombëtare të së enjtes, duke ftuar demokratët dhe qytetarët të mblidhen para Parlamentit në orën 10:00. • Ai e nisi fjalën e tij me akuzat ndaj qeverisë, duke deklaruar se kriza në Shqipëri thellohet çdo ditë e më shumë, ndërsa e cilësoi vendin si narkoshtetin më të konsoliduar në Evropë dhe në botë. • Berisha akuzoi Edi Ramën se po mbron zyrtarë të përfshirë, skandale të rënda korrupsioni. • Sipas tij, Rama po përpiqet të zbusë akuzat ndaj këtyre personave përmes daljeve publike. • Berisha ia kushtoi edhe situatës së studentëve në nisje të vitit të ri universitar. • Ai tha se studentët shqiptarë janë ‘më të përçmuar në Evropë, më të shpërfillur, më të keqtrajtuar’, duke kritikuar kostot e larta të jetesës dhe situatën e banesave. • Gjithashtu kreu i PD-së Sali Berisha u bëri thirrje qytetarëve të marrin pjesë në protestën e së enjtes. • Berisha i ftoi qytetarët të jenë para Parlamentit në orën 10:00, duke e cilësuar protestën si një protestë për çdo shqiptar.
2 artikuj për këtë temë.
TIRANA- Kreu i Partisë Demokratike, Sali Berisha ka kërkuar që Komisioni i Sigurisë të ndërmarrë hetim për Edi Ramën dhe Vlora Hysenin. Gjatë mbledhjes së grupit parlamentar demokrat, Berisha akuzoi qeverinë për shkelje të Kushtetutës dhe të Konventës së Vjenës.
Sali Berisha: Madje edhe kjo është e gjora, dhe nxori në paturpësinë më të madhe jetën private të njerëzve për të krijuar një dominancë tjetër psikologjike.
Se si e si t’i ndihmojë mafiozët, banditët, zyrtarët e tij. Ndaj dhe Komisioni i Sigurisë duhet të kërkojë urgjentisht të ndërmarrë hetim në lidhje me veprimtarinë në shkelje të Konventës së Vjenës dhe Kushtetutës të këtij grupi të strukturuar kriminal, që tani del i kryesuar... në fakt kryetar është Edi Rama, Padrino, por në arrest shtëpie është Vlora Hyseni./Dosja.al
TIRANË- Kreu i Partisë Demokratike, Sali Berisha akuzoi qeverinë e kryeministrit Edi Rama se po mbron drejtues të institucioneve dhe e cilësoi Shqipërinë si një narkoshtet. Gjatë fjalës së tij ai ngriti akuza të rënda ndaj SHISH, duke pretenduar se janë shkelur Kushtetuta dhe të drejtat e opozitës, qytetarëve dhe protestuesve. Berisha tha gjithashtu se veprimet e disa zyrtarëve, sipas tij, janë të lidhura drejtpërdrejt me urdhrat dhe interesat e Edi Ramës.
"Kriza në Shqipëri thellohet çdo ditë e më shumë. Narkoshteti shqiptar faktohet si narkoshteti më i konsoliduar në Evropë dhe në botë. Qëndrimet e Padrinos janë një rrezik i madh jo vetëm kombëtar, por një rrezik për rajonin dhe më gjerë. Aktet e tij të papërgjegjshme, ai është shndërruar aktualisht në një avokat të pashembullt në histori të Vlora Hysenit, Ergys Agasit, Roni Yeffetit, Linda Karçanajt, Ermal Beqirit. I pabesë, i pakarakter siç është, pasi lau duart me ta, tani bën avokatin e tyre. Asnjë njeri nuk duhet të ketë dyshimin më të vogël se në çdo veprim dhe çdo akt të koordinatorit Ergys Agasi, se çdo veprim dhe akt i Ermal Beqirit, Linda Karçanajt dhe Vlora Hysenit, është urdhri i Edi Ramës, janë ndarja e parave me Edi Ramën, është menaxhimi i parave të Edi Ramës.
Kjo është e vërteta. Zërat po gumëzhijnë dhe ndaj ky kalon nga një dalje televizive në një tjetër, përpiqet të shfajësojë, përpiqet të lehtësojë aktet më të rënda në historinë e shtetit shqiptar, por akte ndër më të rënda në historinë e botës. Shefja e shërbimit inteligjent, që ka dorëzuar sekretet më të rëndësishme të shtetit tek kartelet e drogës dhe ndërmjetësi i tyre, po të kemi parasysh se këto kartele janë shpallur organizata terroriste nga presidenti i SHBA, kjo shkon në lartësinë e tradhtive më të mëdha. Dhe Edi Rama, nuk po përdor epitete, u thotë shqiptarëve se aleatët e çmojnë Vlorën. Shiko gjer ku arrin ky. Dhe në qoftë se për të parën thoshte se ajo Linda me katër prona banon në shtëpi me qira, këtë thonë se partnerët kanë mendim të shkëlqyer.
Si mund të kenë partnerët një mendim të shkëlqyer për një tradhtarë të misionit të saj. Përpiqet me çdo kusht të mbrojë veprat e tij. A kujtoni ju se ishte i izoluar? Ne kemi denoncuar me keqardhje, jam i detyruar të denoncoj disa herë aktivitetet antikushtetuese të SHISH. Janë njerëz që kanë ndërmarrë akte me të cilat kanë shkelmuar Konventën e Vjenës ndaj përfaqësuesve të vendeve mike dhe partnere në Shqipëri. Kanë ndërmarrë akte të rënda antikushtetuese ndaj opozitës dhe drejtuesve të saj. Kanë ndërmarrë akte të rënda antikushtetuese ndaj qytetarëve dhe të rinjve protestues. Dhe këtu nuk ka qenë vetëm një njeri se ato i ka marrë duke dhënë urdhra atyre Jurgenëve dhe të tjerëve që janë aty. Se tani këta duan të bëjnë sikur nuk ka ndodhur asgjë në atë shërbim," tha Berisha./Dosja.al
