Skandali/ “TIMAK” aplikoi për tender në Ukrainë, drejtuesja përdor pronën e “KAYO”-s për interesa të Yeffet-it

Deputeti dhe nënkryetari i PD-së, Belind Këlliçi, ka denoncuar sot një procedurë të parregullt të kryer nga kompania shtetërore “TIMAK”.

Përmes një postimi në rrjetet sociale, Këlliçi ndan disa dokumente, përmes së cilave sqaron se në vitin 2025, kjo shoqëri shtetërore ka aplikuar për të përfituar një tender në Ukrainë, ku drejtuesja e kompanisë, Arjeta Puca, jo vetëm ka abuzuar me detyrën duke prezantuar një prej magazinave si pronën e vet, por ka vijuar më tej parregullsinë, duke përdorur pronën e kompanisë aksionere “KAYO”.

Sipas deputetit, pasuria shtetërore që ka përfunduar në duart e "TIMAK", po shfrytëzohet edhe nga miku i kryeministrit, Ron Yeffet, për të plotësuar kriteret e tenderave të vet në Ukrainë./CNA