Justin Timberlake dhe Jessica Biel festojnë 14 vite martesë: Një jetë përpara nesh

Justin Timberlake dhe Jessica Biel kanë festuar 14-vjetorin e martesës, duke ndarë me ndjekësit momente nga jeta e tyre së bashku dhe mesazhe të ndjera për njëri-tjetrin. Timberlake publikoi disa fotografi nga udhëtimi me bashkëshorten e tij, duke e uruar për përvjetorin dhe duke e cilësuar Biel si personin e tij të preferuar.

Mediat e huaja bëjnë me dije se në një tjetër postim, ai e vlerësoi atë si një nënë të jashtëzakonshme dhe ndau një fotografi të familjes së tyre me dy djemtë, 11-vjeçarin Shayla dhe 6-vjeçarin Phineas.

“14 vjet kanë kaluar, një jetë përpara nesh”, ishte një nga mesazhet e Timberlake në këtë përvjetor.

Edhe Jessica Biel publikoi fotografi me bashkëshortin e saj, duke e uruar për ditëlindjen e martesës dhe duke e cilësuar atë si një baba të shkëlqyer. Në një prej fotografive, aktorja shfaqet duke e puthur Timberlake në faqe, ndërsa krahas saj shkroi edhe një mesazh dashurie. Çifti u martua në vitin 2012 dhe gjatë këtyre viteve ka ndërtuar familjen e tyre me dy fëmijë.