Deputetë të PDK-së dhe AAK-së dalin në shesh në mbështetje të protestuesve

Disa deputetë të Partisë Demokratike e Kosovës dhe të Aleancës kanë dalë në sheshet e Prishtinës për të mbështetur protestuesit mes tensionesh përreth Kuvendit të Kosovës. Në mesin e atyre ishte edhe Ramush Haradinaj nga Aleanca, emri i të cilit u brohorit nga protestuesit.

Deputeti i PDK-së, Enver Hoxhaj gjithashtu iu drejtua oficerëve të policisë: “E keni tepruar”. PDK ka hedhur akuza se policia ka përdorur dhunë ndaj protestuesve, të cilët i ka shpërndarë nga sheshi më i afërt me Kuvendin duke përdorur gaz lotsjellës dhe uji.

Protestuesit kanë hedhur vazhdimisht mjete piroteknike dhe kanë tentuar t’i pengojnë deputetët të largohen nga Kuvendi pasi kërkojnë që të miratohen ndryshimet në ligjin për Gjykatën Speciale.

Deputetët e PDK-së dhe Aleancës vazhdojnë të qëndrojnë në Kuvend, duke u bërë thirrje deputetëve të parisë në pushtet, Lëvizja Vetëvendosje, të kthehen në Kuvend për t’i kaluar ndryshimet edhe në leximin e dytë dhe përfundimtar.