Duka “kunja” Berishës: Opozita vjen në pushtet vetëm me një figurë tjetër për kryeministër

Kreu i PAA-së, Agron Duka, deklaroi sonte se opozita mund të vijë në pushtet nëse projekton një figurë tjetër për kryeministër.

I ftuar në “A2CNN”, Duka u shpreh se një ndryshim i tillë mund të sjellë rotacionin dhe fiton besimin e njerëzve, pasi në të kundërt, siç tha si, historia Rama-Berisha do të vazhdojë.

“Nuk besoj që s’ka interes për të ardhur në pushtet opozita. Nuk është se ka fituar besimin e njerëzve, të popullit në përgjithësi, që mund të sjellë rotacionin. Duhet ndryshuar diçka. Nëse projektohet një figurë tjetër për kryeministër, ndryshojnë edhe disa gjëra. Sepse kryesorja është PD-ja, ne që jemi parti aleate, aq e kemi. Unë 30 mijë vota i marr si do që të shkojë muhabeti. Nëse opozita krijon sinergji dhe frymë të re, këta ikin para se të mbarojë mandati. Po qe kështu është çimentuar, është bërë kjo lufta Rama-Berisha, që anatemohen nga protestuesit, do vazhdojë kjo histori”,-tha Duka./CNA