Franca fiton me përmbysje në fund, Italia “zhyt” Turqinë

Franca tregoi forcën duke përmbysur Belgjikën me rezultatin 4-1 në minutat e fundit të takimit.

Tekniku Zinedine Zidane kishte lënë disa nga yjet kryesorë në stol, çka i dha mundësi Lukebakios të kalonte belgët në avantazh gjatë pjesës së parë.

Rrjedha e sfidës ndryshoi pas minutës së 70-të kur aktivizimi i elementëve të rinj si Doue, Cherki dhe Olise solli një përmbysje spektakolare.

Doue dhe Cherki rikthyen avantazhin për francezët, përpara se Michael Olise të vuloste fitoren me dy gola  në minutat e fundit.

Në duelin tjetër të të njëjtit grup në Ligën A, Italia triumfoi pastër 3-1 përballë Turqisë falë realizimeve të Scamacca, Calafiori dhe Esposito.

Kjo disfatë e rëndë e zhyt në krizë stolin e turqve, ku pozitat e teknikut Vincenzo Montella janë lëkundur seriozisht.

Ndërkohë në ndeshjet e tjera, Suedia mposhti Rumaninë 1-0 me golin e Gyokeres, ndërsa Bosnja e Hungaria morën fitore të rëndësishme.