Deputeti i PDK-së, Përparim Gruda, reagoi pas protestës së zhvilluar mbrëmjen e kaluar në Prishtinë, duke akuzuar Policinë e Kosovës se përdori dhunë ndaj qytetarëve pjesëmarrës.
Të lidhura
None found
Sipas Grudës, Qeveria nuk ka ofruar mbështetjen e nevojshme për UÇK-në gjatë procesit gjyqësor. Ai deklaroi gjithashtu se ligji për mbrojtjen e UÇK-së do të miratohet.
Gruda tha se protesta e mbrëmshme, sipas tij, tregoi qasjen e pushtetit të VV-së, të cilin e akuzoi për përdorim brutal të forcës policore në sheshin e Prishtinës ndaj qytetarëve që kërkonin miratimin e këtij ligji.
Deputeti ngriti pyetjen se cili popull i lirë evropian do ta pranonte një trajtim të tillë.
Ai kritikoi shtetin për shmangie nga përgjegjësia për mbështetjen dhe mbrojtjen e UÇK-së në gjykatë, ndërsa theksoi se policia ushtroi dhunë ndaj protestuesve që kërkonin miratimin e ligjit.
Gruda shtoi se miratimit të ligjit nuk mund t’i shmangen dhe se nuk kanë rrugë tjetër, pasi ai do të miratohet.
