Lapaj mbledh partiçkën e tij: Aplikoni te Tiku, të gjeni veten

Adriatik Lapaj ka mbledhur partiçkën e tij, atë që na prodhoi plot një deputet dhe një Avokat Populli në zgjedhjet e fundit.

Lapaj, Shabani dhe Qori na dolën me shpatë në dorë se do të fitonin zgjedhjet se Lapaj do të ishte qeveria dhe nuk do ta merrte Ramën në pushtet, do ta largonte. Kështu do të largonte edhe Berishën.

Por katandisi i shkreti të zihej me Endri Shabanin dhe pastaj tezja e këtij të fundit të bëhej deputete, Endri vetë të bëhej Avokat Populli dhe Tiku të ngelej me gisht në gojë.

Nga inati i Endrit, edhe pse s’mori mandatin e deputetit, i futi edhe një grevë, një protestë 24-orëshe para Kryeministrisë, iku dhe nga atje si qen i rrahur dhe tani ka dalë me një aksion të ri.

S’ka kandidatë, ka hall, doni të kandidoni thotë hajdeni regjistrohuni këtu, ne do të kandidojmë në çdo këshill, në çdo bashki, aty ku kemi mundësi.

I është shkërmoqur partia të shkretit Tiku dhe tani po kërkon kandidatë.

6 muaj para zgjedhjeve nuk ka identifikuar dot as këshillat, as kandidatët as rrethet ku do të kandidojë, por ka ngelur me gisht në gojë dhe ç’të bëjë, hap një garë, hap një faqe interneti ku mund të aplikosh online. Nuk i dihet: po s’të vuri PS dhe PD mund të të vërë Tiku.

Kështu që aplikoni te Tiku, mund të gjeni veten./ CNA