Ministria e Punëve të Brendshme e Maqedonisë njoftoi se më 05.10.2026, në orën 21:20 dhe 21:55, në Tetovë, policia ndaloi B.R. (20) dhe D.S. (50), të dy banues në këtë qytet.
Të lidhura
None found
Operacioni u krye nga nëpunësit policorë të Ekipit Mobil “Task Force” pranë SPB Tetovë. Gjatë kontrollit të B.R. u gjet dhe u sekuestrua marihuanë, ndërsa te D.S. u zbuluan dhe u sekuestruan lëndë narkotike të llojit heroinë.
Të dy personat u shoqëruan dhe u mbajtën në stacionin policor. Pas përfundimit të dokumentimit të rasteve, ndaj tyre do të dorëzohen parashtresat përkatëse, bëri të ditur MPB.
