Berisha: Vlora Hyseni ka deklaruar se bashkëjetonte me Roni Yeffet, kjo skemë mafioze rrezikon edhe NATO-n 6 Tetor, 12:49 ...
Protesta në Prishtinë/ Deputetë të PDK-së dhe AAK-së dalin në shesh në mbështetje të protestue...
128 ditë protestë/ Protestuesit marshojnë drejt Kryeministrisë, thirrje: Arrestoni Ramën! 5 Tetor, 19:07 ...
Berisha: Komisioni i Sigurisë të ndërmarrë hetim për grupin e strukturuar kriminal të Edi Ramës dhe Vlora Hys...
• Kryetari i Partisë Demokratike, Sali Berisha, akuzoi Edi Ramën se qëndron në qendër të një skeme që, sipas tij, ka sjellë përfitime prej dhjetëra milionë eurosh nga buxheti dhe pasuritë publike për biznesmenin Roni Yeffet. • Gjatë konferencës me gazetarët, Berisha e lidhi këtë skemë me kompaninë shtetërore KAYO dhe marrëveshjet në fushën e mbrojtjes, duke deklaruar se Yeffet është bërë përfitues i fondeve publike dhe pronave shtetërore. • Sipas tij, historia e kësaj skeme ka nisur me një dalje publike të Arjeta Pucës në podcast-in e Edi Ramës, të cilën ai e cilësoi me ironi ‘Miss Autoblindi’. • Ai akuzoi më tej qeverinë se pas kësaj ka miratuar ligje dhe vendime që, sipas tij, kanë ndërtuar një skemë në fushën e mbrojtjes, ndërsa hodhi akuza edhe për përdorimin e pronave publike dhe private. • Berisha e cilësoi situatën si një ‘piramidë mafioze’ dhe pretendoi se rrjeti i kompanive të përfshira nuk plotëson kriteret e kërkuara për aktivitetin në fushën e mbrojtjes. • Kryedemokrati tha gjithashtu se opozita do t’ia dorëzojë provat SPAK-ut, por edhe institucioneve të NATO-s dhe vendeve anëtare të Aleancës. • Berisha kërkoi që çështja të mos mbetet vetëm te hetimi ndaj biznesmenit, duke paralajmëruar se opozita do të informojë edhe ministritë e mbrojtjes të vendeve anëtare të NATO-s.
3 artikuj për këtë temë.
TIRANË- Kreu i PD, Sali Berisha ka vijuar akuzat e tij ndaj qeverisë, si dhe për lidhjen mes Vlora Hysenit, Ergys Agasit dhe Roni Yeffet. Në deklaratën e tij për mediat, Berisha tha se Hyseni e pyetur për raportet me Agasin, kishte mohuar një lidhje të veçantë me të dhe kishte deklaruar se bashkëjetonte me Yeffet.
Ai ngriti gjithashtu akuzat edhe për përfshirjen e Yeffet në çështje që lidhen me sektorin e mbrojtjes dhe gazin e Delvinës, duke i lidhur këto me kryeministrin Edi Rama.
"Ndërkohë, unë më duhet t’u rikujtoj këtu, për të pasur qartë pushtetin e tij, se në komisionin e sigurisë, Vlora Hyseni e pyetur për lidhjet me Ergys Agasin, ka mohuar të ketë ndonjë lidhje të veçantë me të dhe ka deklaruar se bashkëjetonte me Roni Yeffet. E kuptoni se si është i ngërthyer i quajturi shërbimi informativ kombëtar, në njërën anë Agasi, në anën tjetër Roni Yeffet. Kur e dëgjova këtë fjalë, mendova se ishte një shpoti për Lubinë, por burime të besueshme më thanë mua se ajo ka shprehur një të vërtetë. Shërbimi informativ ishte vënë nën një kontroll të dyfishtë, të Agasit dhe Roni Yeffet.
Kjo është një nga skemat më mafioze. Një vend anëtar i NATO-s që aplikon skemë të tillë mafioze në fushën e mbrojtjes, kryen një akt shumë të rëndë ndaj vendit të tij, por edhe ndaj aleancës. Siç jeni në dijeni, Roni Yeffet me Miss Autoblindin blinin armë në zona lufte, në Sudan dhe në vende të tjera të Afrikës, i sillnin në Shqipëri, u vinin etiketa shqiptare në një mashtrim të madh për t’i shitur në Ukrainë, në të cilin për hir të së vërtetës, përfaqësuesit e atij vendi ua thonë haptas se ne i blemë me tendera të hapur, jo direkt siç kërkonin këta. Është e faktuar nga regjistrimet që keni dëgjuar përpjekja e tij mafioze për të shtrirë dorën e zezë në gazin e Delvinës. Që të gjitha këto janë porosi në bashkërendim dhe bashkëveprim me Edi Ramën. Aktiviteti i tij është një kërcënim madhor për sigurinë kombëtare të Shqipërisë ndaj dhe e dënoj me forcën më të madhe," tha Berisha./Dosja.al
TIRANË- Kreu i Partisë Demokratike, Sali Berisha, ka hedhur akuza të forta ndaj kryeministrit Edi Rama lidhur me kompaninë shtetërore KAYO dhe biznesmenin Roni Yeffet. Duke iu referuar asaj që e cilësoi si një skemë mafioze, Berisha tha se kompanisë së Yeffet i janë dhënë deri tani, sipas tij, rreth 45 milionë euro nga buxheti i shtetit, si edhe prona shtetërore me vlerë dhjetëra milionë euro.
Berisha e lidhi nisjen e kësaj skeme me një dalje në podcast-in e Edi Ramës, ku, sipas tij, Arjeta Puca prezantoi aftësitë e saj në prodhimin e mjeteve ushtarake, përfshirë autoblindat. Sipas tij, pas kësaj dalje publike u ndërmorën hapa ligjorë dhe institucionalë për krijimin dhe funksionimin e kompanisë KAYO.
Berisha akuzoi gjithashtu qeverinë se përmes kësaj skeme ka kaluar fonde publike dhe prona shtetërore në favor të kompanive private. Ai përmendi ndër të tjera pronat në Shkozë dhe në ish-Kombinatin e Traktorëve, si dhe në Zall-Herr.
"Ajo çka është për interesin direkt të qytetarëve se në një skemë mafioze të ndërtuar nga Edi Rama, të mbështetur fuqimisht nga Edi Rama me ligje, me vendime, Roni Yeffet de facto kompanisë së tij nga buxheti i taksapaguesve shqiptarë, nga paratë e tyre, i janë dhënë gjer sot 45 milionë euro. I janë dhënë gjer sot dhjetëra milionë euro pronë shtetërore, përfshi këtu edhe pronat ku ishte e vendosur prej vitesh News24. Përveç këtyre, ky grup mafiozësh shkon dhe plaçkit prona private të qytetarëve shqiptarë në Zall Herr, prona të fituara me të gjithë dokumentacionin, dhe ua marrin familjeve pronat duke u thënë se janë të shtetit. Historia është shumë interesante, e turpshme.
Fillon në mënyrë identike si historia e sterilizimeve me një gërshërë të thyer dhe pinca të ndryshkura. Kësaj here fillon me një podcast, ku një zonjë, që do ta quajmë tani e tutje Miss Autoblindi ose Arjeta Puca, dëshmon në studion e podcast-it të Edi Ramës se ajo bën mrekullira, se ajo prodhon makineri ushtarake të klasit ndërkombëtar, midis tyre edhe autoblinda. Fill pas shfaqjes televizive të Ramës, njëlloj si në sterilizimet me pincat e ndryshkura dhe gërshërët e thyera, Miss Autoblindi na del në Kashar me një autoblind, makineri për ushtrinë dhe zotohet se ajo do të armatosë ushtrinë shqiptare. Pas kësaj, Edi Rama miraton ligje dhe vendime për të ndërtuar këtë skemë piramidale të tmerrshme, por kësaj here kryekëput në kurriz të qytetarëve shqiptarë.
Kompania e famëziut Ardi Veliu, që u krijua për këtë qëllim, shpejt bashkohet me Roni Yeffet duke i dhënë atij 80 përqind të aksioneve, aksione të cila të bazuara në fonde publike dhe pronë shtetërore. Imagjinoni ju, Roni Yeffet brenda natës bëhet pronar i të gjitha ndërtimeve që ekzistojnë në Shkozë apo në ish-kombinatin e traktorëve, bëhet pronar i 45 milionë eurove nga buxheti i shtetit. Bëhet pronar i tokave që plaçkisin në privat. Që të gjitha shartimet që kanë bërë njëri me tjetrin me kompani të ndryshme nga më absurdet, duke shitur kompani me 1 euro, kompani me kapital 1.5 euro.
I gjithë rrjeti i kompanive është në kundërshtim flagrant me standardet e përcaktuara për kompani të kësaj fushe. Kompani me 1 euro, e cila sipas ligjit duhet të ketë 20 milionë euro kapital. Dhe Piro Vengu deklaronte se kontratat i shqyrton komiteti i mbrojtjes, i cili kryesohet nga Padrinoja. E vërteta është se vendi ka një komitet mbrojtje, i kryesuar nga kryeministri dhe i përbërë nga disa ministra, por e vërteta është se ministrat i kontrollonte Roni Yeffet dhe Edio Rama. Prandaj kompanitë e rrjetit janë që të gjitha pa asnjë kriter, me një kriter të vetëm, të vjedhim, të vjedhim, të vjedhim," tha Berisha./Dosja.al
TIRANË- Kreu i Partisë Demokratike, Sali Berisha, ka hedhur akuza të rënda lidhur me biznesmenin Roni Yeffet, pas kontrolleve të kryera nga SPAK në banesën e tij. Duke folur në konferencë për mediat, Lideri i opozitës tha se Yeffet, gjatë kontrollit në banesë, ishte i fandaksur dhe se, sipas një denoncimi nga një qytetar dixhital, Yeffet kishte telefonuar të paktën katër herë kryeministrin Edi Rama dhe tre herë Linda Ramën, por nuk kishte marrë përgjigje.
Berisha e lidhi situatën me akuzat e tij të mëparshme për trafikun e armëve dhe marrëdhëniet mes Yeffet, kompanisë KAYO dhe qeverisë.
"Armët dhe droga, droga dhe armët janë binjakë të trafiqeve kriminale dhe ilegale. Të dhëna të pakundërshtueshme faktojnë se Padrinoja apo kreu i narkoshtetit, Edi Rama, është kujdesur në maksimum që fitimet e tij të kenë si burim tregtinë e armëve, kontrabandën e armëve. Historia e të famshmit Roni Yeffet është histori personale e Edi Ramës. Ky personazh i implikuar në një mori aferash mafioze korruptive si përfaqësues i Edi Ramës, u kontrollua para pak ditësh në banesën e tij nga organet ligjzbatuese. Qytetari dixhital informoi se nga kontrolli ai mbeti i fandaksur se nuk e besonte kurrë. Por ajo që ka më shumë rëndësi është se ai gjatë kontrollit mori të paktën 4 herë në telefon Edi Ramën dhe tre herë Linda Ramën, por në telefon nuk iu përgjigj njeri. Sidoqoftë, këto janë çështje të drejtësisë dhe do i verifikojë drejtësia," tha Berisha./Dosja.al
