Cristiano Ronaldo është gati të lërë kombëtaren portugeze pas përplasjeve me trajnerin Jorge Jesus. Kjo është ajo që zbulon gazetari luzitan i CNN, Rui Santos sipas të cilit ylli i futbollit botëror nuk do të veshë më fanellën e Portugalisë përsa kohë që në pankinë të jetë pikërisht Jorge Jesus.
Krisja mes të dyve është shumë e thellë dhe erdhi pasi 41 vjeçari u la në stol gjatë gjithë 90 minutave në sfidën me Norvegjinë e vlefshme për Nations League, një vendim që e shtyu Cristiano Ronaldon që të braktisë grumbullimin e skuadrës në mes të kësaj fushate duke shkaktuar një zhurmë të madhe mediatike.
Nga ana e tij ish trajneri i Al Nassr konfirmoi me vendosmëri linjën e tij të menaxhimit duke shpjeguar se në skuadër të gjithë futbollistët janë të barabartë dhe askush nuk mund të gëzojë privilegje speciale, një pozicion që përforcohet edhe nga 4 fitoret në po kaq ndeshje të Portugalisë nën drejtimin e tij.
Edhe pse Jesus tentoi të zbusë tonet duke e përkufizuar atë që ndodhi si diçka që është kaluar tashmë dhe se dyert e kombëtares luzitane mbeten të hapura për Cristiano Ronaldon, sipas Rui Santos, sulmuesi është shumë i zemëruar për fjalët e thëna nga Jorge Jesus në konferencën për shtyp, duke konfirmuar se tashmë raportet mes lojtarit dhe trajnerit janë krisur në mënyrë të pariparueshme.
