“Përdorni Inteligjencën Artificiale”, BB: Sektori privat mund të zgjidhë krizën e mungesës së  fuqisë punëtore

Në kohën kur tkurrja e popullsisë në moshë pune dhe produktiviteti janë kthyer në shqetësim, Banka Botërore nxit përdorimin e Inteligjencës Artificiale për të plotësuar nevojat e sektorit privat.

“Ndërsa sektori privat duhet të shërbejë si motori kryesor drejt përvetësimit, përshtatjes dhe inovacionit, përgatitja e fuqisë punëtore për Inteligjencën Artificiale u ofron politikëbërësve një mundësi reale për të adresuar sfidën e vendeve të punës dhe për të gjeneruar rritje ekonomike”, thotë Banka Botërore në një raport.

Sipas Bankës Botërore, gjatë dekadës së ardhshme rreziku më i madh për rajonin mund të jetë përshtatja e pamjaftueshme e Inteligjencës Artificiale dhe jo përdorimi i tepërt i saj.