Von der Leyen: Sulmet ndaj anijeve në Detin e Zi janë të papranueshme

Presidentja e Komisionit Evropian, Ursula von der Leyen, tha të martën se sulmet ndaj anijeve janë të papranueshme, pas sulmeve ndaj anijeve tregtare brenda zonës ekskluzive ekonomike të Bullgarisë në Detin e Zi.

“Anijet tregtare, dhe ekuipazhet e pafajshme, po bëhen shënjestër, ndërsa jetët tashmë janë humbur në det “, tha ajo.

Von der Leyen shtoi se, ndërsa rrethanat e incidenteve po hetohen, situata në Detin e Zi është shqetësuese në rritje.

Ekuipazhi i një anijeje tregtare u zhduk të martën pasi ajo u fundos në Detin e Zi pranë brigjeve të Bullgarisë, një vend anëtar i NATO-s , pas një sulmi me dron.

Duke iu referuar sulmit, kryeministri bullgar Rumen Radev foli për një shkelje të hapur të së drejtës ndërkombëtare .