Arrestohet ish-shefi i spiunazhit gjerman, nën akuzë për tradhti shtetërore

Policia ka arrestuar ish-kreun e agjencisë së inteligjencës së jashtme BND të Gjermanisë, August Hanning, nën dyshimin për spiunazh, njoftoi të martën zyra e prokurorit federal.

Hanning shërbeu si shef i agjencisë nga dhjetori 1998 deri në nëntor 2005 përpara se të transferohej në Ministrinë Federale të Brendshme, ku punoi si sekretar shteti deri në nëntor 2009. 

Sipas një deklarate nga zyra e prokurorit, 80-vjeçari përballet me akuza që përfshijnë spiunazh, zbulim të sekreteve shtetërore, tentativë tradhtie dhe punë si agjent i shërbimit sekret.

Nuk tha se për cilin shërbim të inteligjencës së huaj dyshohet se punon ai.

Në deklaratë shtohej se një tjetër ish-punonjës i lartë i BND-së u arrestua gjithashtu me dyshimin se i kishte siguruar Hanning qindra dokumente të klasifikuara pasi mandati i tij si shef i spiunazhit përfundoi në këmbim të pagesës./dw