Kremlini paralajmëroi se vendimi paraprak i Lituanisë, anëtare e NATO-s, për të hequr ndalimin kushtetues ndaj vendosjes së armëve bërthamore në territorin e saj mund të çojë në një raund të ri përshkallëzimi të tensioneve në rajon.
Parlamenti i Lituanisë votoi të martën në favor të heqjes së këtij ndalimi, në votimin e parë nga dy që kërkohen për miratimin e ndryshimit.
“Nëse infrastruktura ushtarake e vendit që, në fakt, është shteti kryesor i NATO-s, SHBA-ja, po afrohet me kufijtë tanë, atëherë, sigurisht, kjo nuk mund të shihet si diçka tjetër përveçse një hap drejt përshkallëzimit të tensioneve.
E njëjta gjë vlen edhe për vendosjen e armëve bërthamore në territorin e një shteti fqinj, si Lituania. Asnjëri prej këtyre zhvillimeve, as baza ushtarake amerikane, as vendosja e armëve bërthamore në Lituani, nuk do të kontribuonte në stabilitetin dhe parashikueshmërinë në kontinentin europian.
Përkundrazi, ato do të përbënin një tjetër hap të rëndësishëm drejt përshkallëzimit të tensioneve, gjë për të cilën na vjen keq.
Sa i përket Rusisë, ajo, sigurisht, do të detyrohet të marrë të gjitha masat e nevojshme për të garantuar në mënyrë të besueshme sigurinë e saj”, tha Dmitry Peskov. (A2 Televizion)
A2 CNN Livestream
MUND TE LEXONI GJITHASHTU
