Kryetari i Grupit Parlamentar të Partisë Demokratike, Gazment Bardhi, ka reaguar pas përfshirjes në rendin e ditës të Reformës Territoriale. Përmes një postimi në rrjetet sociale ai ka akuzuar mazhorancën se harta e re territoriale është përcaktuar paraprakisht.
Sipas tij, kriteri kryesor është interesi elektoral i kryeministrit Edi Rama. Bardhi shprehet se ndarja e re territoriale nuk bazohet te nevojat e qytetarëve, por te interesat elektorale të Partisë Socialiste si dhe marrëdhëniet e kryebashkiakëve me kryeministrin Rama.
Të lidhura
None found
Gazment Bardhi: Harta territoriale e PS-së është e paracaktuar, njësoj si tenderat e Edi Ramës dhe Belinda Ballukut. Njësoj si biznesi me Ron Jefetin, të cilit Rama i dhuron industrinë e armëve me garanci shtetërore.
Harta territoriale e PS-së i ngjan Vlora Hysenit: ajo fikte radarët për Ergysin e saj dhe të Ramës; kjo shuan nga harta 15 bashki për pushtetin personal të Kryeministrit. Kriteri i kësaj ndarjeje është interesi elektoral i Ramës dhe besnikëria e kryebashkiakëve ndaj tij, jo nevojat e qytetarëve. Kjo është pyetja që ngre ligji i PS-së: pse interesat e njerëzve të pushtetit gjejnë gjithmonë zgjidhje, ndërsa bashkitë e qytetarëve fshihen?
