Zyrtari i Lëvizjes Vetëvendosje, Alban Krasniqi, ka reaguar në Facebook për procedurën e votimit të ligjit, duke argumentuar se ai nuk mund të hidhet në votim përpara së enjtes paradite.
Të lidhura
None found
Sipas Krasniqit, Rregullorja e Kuvendit, së bashku me një aktgjykim të Gjykatës Kushtetuese, përcakton se duhet të kalojnë 72 orë nga leximi i parë i ligjit deri në votimin e tij.
Ai ka deklaruar se zhvillimi i votimit më herët do ta bënte ligjin proceduralisht antikushtetues. “Ligji nuk mundet me u votu para të enjtes paradite (72 orë pas leximit të parë), sepse Rregullorja e Kuvendit dhe aktgjykimi i Kushtetueses e kanë qartësuar që votimi i mëhershëm e bën ligjin proceduralisht antikushtetues”, ka shkruar Krasniqi.
Duke iu përgjigjur PDK-së, ai ka thënë se për të arritur deri të enjten, sonte duhet që shteti të bëhet me president. Krasniqi u ka bërë thirrje kundërshtarëve të mos harxhojnë frymë dhe të mos bërtasin për votimin e ligjit gjatë natës.
“Nëse doni zgjedhje, keni mu rrasë e keni me plasë!”, ka përfunduar ai postimin e tij.
