Zbulohet formacioni zyrtar ndaj San Marinos, Maran nuk e ndryshon sulmin

Kombëtarja shqiptare rikthehet sonte në fushë në stadiumin “Air Albania”, ku do të përballet me San Marinon në kuadër të Ligës së Kombeve.

Kuqezinjtë synojnë të lënë pas humbjen 2-1 ndaj Finlandës dhe të rikthehen te fitorja, me tre pikët që do të ishin të rëndësishme për objektivin e Shqipërisë për rikthimin në Ligën B.

Shqipëria ka një bilanc të plotë pozitiv ndaj San Marinos, me pesë fitore në po kaq përballje. Në ndeshjen e fundit mes dy skuadrave, kuqezinjtë triumfuan 3-0, duke mbajtur edhe portën e paprekur.

Pak minuta para startit të takimit janë bërë publike edhe formacionet zyrtare. Trajneri Rolando Maran ka vendosur të zbresë në fushë nga minuta e parë me:
SHQIPËRIA: Dajsinani, Hysaj, Mitaj, Gjimshiti, Ismajli, Asllani, Shehu, Pilo, Hoxha, Muçi, Manaj.