PDK pranon propozimin e Kurtit për Justina Shiroka Pulën, kundërkandidate Eliza Hoxha

 Sot është dita e fundit për zgjedhjen e presidentit të Kosovës, ndërsa në orët e fundit të afatit kanë nisur zhvillime të reja politike.

Kryeministri Albin Kurti ka propozuar Justina Shiroka Pulën për presidente të Kosovës, ndërsa PDK ka pranuar propozimin për ta mbështetur kandidaturën e saj.

Në garë pritet të jetë edhe deputetja e PDK-së, Eliza Hoxha, e cila do të jetë kundërkandidate për postin e presidentes.

Zhvillimi vjen në një moment kritik për institucionet e Kosovës, pasi sot përfundon afati për zgjedhjen e kreut të shtetit.

Tashmë vëmendja është te Kuvendi i Kosovës, ku pritet të zhvillohet votimi për presidentin.

Nëse nuk arrihet marrëveshja dhe presidenti nuk zgjidhet brenda afatit kushtetues, Kosova mund të përballet me një tjetër krizë institucionale dhe me shpërndarjen e Kuvendit.

Orët e fundit pritet të jenë vendimtare për fatin e presidencës dhe të institucioneve të Kosovës.