Ish-deputeti i PD-së, Ervin Salianji, ka reaguar për rritjen e kostos së projektit Milot-Balldren, duke kërkuar ndërhyrje të menjëhershme nga SPAK.
Salianji pretendon se kostoja është rritur me afro 100 milionë euro dhe thotë se hetimi duhet të nisë para se paratë publike të shpenzohen dhe jo pasi ato të jenë shpërdoruar.
Ai kërkon që të hetohen kontrata, procedurat, vendimmarrja, përfituesit dhe çdo pagesë e kryer nga buxheti i shtetit.
Reagimi i Salianjit:
Milot- Balldren skandali i qeverisë me rritjen thuajse 100 milionë Euro që parakalon në mënyrë ulëritëse para SPAK!
Kur flitet për qindra milion Euro hetimi duhet të jetë paraprak dhe jo pasi të jenë shpërdoruar miliona Euro.
Kur ka dyshime për një aferë me paratë e shqiptarëve, SPAK-u duhet të ndërhyjë menjëherë jo kur paratë të jenë kthyer në vila, prona, makina luksoze e “rrush e kumbulla”.
Kjo është arsyeja pse hetimi duhet të jetë në kohë: të gjurmohet kontrata, procedura, vendimmarrja, përfituesit që për më tepër janë dhë nën herim nga SPAK dhe çdo qindarkë e paguar nga buxheti.
Jo hetim pasi paratë të jenë zhdukur.
A vlen përgjegjësia pasi pasuria është shpërndarë?
A është efektive drejtësia pasi gjithçka është bërë fakt i kryer?
Milot–Balldren duhet të zbardhet deri në fund.
Paratë publike nuk janë plaçkë për t’u ndarë.
Dhe kushdo që ka abuzuar me to, nëse faktet e provojnë, duhet të përgjigjet para drejtësisë.
