Mesazhi emocional i Neymarit për Messin përpara ndeshjes së fundit me Argjentinën: E gjithë bota të falenderon

Neymar i ka bërë një mesazh emocionues Lionel Messit, vetëm disa orë para ndeshjes së fundit të yllit argjentinas me kombëtaren e tij.

Ish-shokët e skuadrës te Barcelona dhe Paris Saint-Germain kanë ndarë një pjesë të rëndësishme të karrierës së tyre, ndërsa braziliani e ka falënderuar Messin për gjithçka që ka bërë për futbollin.

“Nuk është vetëm Argjentina që të falënderon, por e gjithë bota është mirënjohëse për gjithçka që ke bërë për futbollin”, shkroi Neymar në rrjetet sociale.

Ai theksoi se Messi është vlerësuar ndër vite nga të gjithë dashamirësit e futbollit dhe i uroi që ta shijojë në maksimum ndeshjen e tij të fundit me fanellën e Argjentinës.

“Dashamirësit e futbollit të kanë vlerësuar gjatë gjithë këtyre viteve. Sot është ndeshja jote e fundit për ekipin tënd kombëtar, për vendin tënd, dhe shpresoj ta shijosh çdo sekondë të saj, dhe që të gjitha homazhet e sotme të të bëjnë të lumtur”, ka shkruar Neymar.

Në fund, braziliani kujtoi edhe periudhën kur luajtën së bashku, duke e cilësuar një nder të madh jo vetëm përballjen me Messin, por veçanërisht momentet kur të dy shkruan histori krah njëri-tjetrit.

“Faleminderit që më bëre ta dua futbollin edhe më shumë; ishte një nder të luaja kundër teje dhe, edhe më shumë, të bëja histori përkrah teje”, përfundoi Neymar.