Fërgesa e traditës me speca, hudhra të njoma dhe sallam bavarez DIMAL nga shefja e kuzhinës Albana Mançja

Një pjatë tradicionale shqiptare, e pasuruar me shije të veçanta dhe përbërës që i japin edhe më shumë shije. Shefja e kuzhinës Albana Mançja sjell recetën e fërgesës me speca, hudhra të njoma dhe sallam bavarez DIMAL, ideale për një vakt të ngrohtë e të shijshëm.

Përbërësit:

3 speca jeshilë

2 speca të kuq

3 hudhra të njoma

3 domate

200 g gjizë

200 g sallam bavarez DIMAL

1 spec djegës

1 lugë gjelle gjalpë

Vaj luledielli

Kripë                 

Piper i zi

Piper i kuq

Përgatitja:

Në një tigan me vaj luledielli kaurdisim specat e kuq, pasi i kemi prerë në copa mesatare. Shtojmë specat jeshilë, sallamin bavarez dhe hudhrat e njoma të prera me gjithë bishtat, ose hudhrat e ndara në thelpinj. Shtojmë edhe domatet e grira.

I përziejmë mirë, rregullojmë shijen dhe më pas shtojmë gjizën. E lëmë fërgesën të lidhet pak dhe, në fund, shtojmë gjalpin për shije dhe pak spec të kuq pluhur.

E vendosim në tavë dhe e pjekim në furrë në temperaturën 180°C për 15 minuta.