Emigranti në Arabinë Saudite dënohet me vdekje për një postim në Facebook

Një 24-vjeçar nga Sri Lanka është dënuar me vdekje në Arabinë Saudite për një koment në Facebook. Anojan Sivarasa, punëtor emigrant, u shpall fajtor për blasfemi ndaj Islamit dhe profetit Muhamed, pas një komenti të publikuar në rrjetet sociale.

Dënimi i tij ka shkaktuar reagime të forta në Sri Lanka, ndërsa disa parti politike, institucione shtetërore dhe organizata të shoqërisë civile kanë nisur përpjekje diplomatike për të kërkuar mëshirë për të riun.

Familja e tij i është drejtuar autoriteteve saudite me kërkesë për falje. Askush prej tyre nuk ka pasur informacion për gjendjen e të riut që prej 28 shtatorit. Nëna e tij, Rasamanickam Yogalakshmi, ka bërë një apel publik për faljen e djalit të saj.

Çështja nisi pas një debati në rrjetet sociale, që pasoi publikimin e një videoje nga Sri Lanka, ku një i ri mysliman shfaqej duke goditur një qen gjatë një pelegrinazhi hindu. Gjatë debatit online, një përdorues publikoi komente fyese ndaj një hyjnie hindu. Në përgjigje, Sivarasa shkroi në gjuhën tamile një koment fyes ndaj profetit Muhamed.

24-vjeçari e fshiu menjëherë komentin dhe publikoi edhe një video ku kërkonte falje. Megjithatë, një fotografi e komentit iu dërgua punëdhënësit të tij në Arabinë Saudite dhe më pas autoriteteve saudite. Sipas familjes, kompania njoftoi autoritetet, të cilat nisën procedurat ndaj tij.

Fillimisht, Sivarasa u dënua me pesë vite burg dhe një gjobë prej 3 milionë rialësh sauditë, rreth 800 mijë dollarë, nga Gjykata Penale e Al-Ahsa. Por pas apelimit, çështja mori një kthesë të papritur më 17 shtator, kur prokuroria kërkoi që ai të gjykohej sipas ligjit të Sheriatit dhe jo legjislacionit për krimet kibernetike. Gjykata e Apelit e pranoi kërkesën dhe e ndryshoi vendimin, duke e dënuar me vdekje.

Qeveria e Sri Lankës ka konfirmuar se po përdor të gjitha kanalet diplomatike për të kërkuar faljen e tij. Presidenti Anura Kumara Dissanayake ka takuar familjen dhe ka kërkuar angazhimin e autoriteteve diplomatike saudite.

Ndërkohë, një delegacion ligjor nga Sri Lanka pritet të udhëtojë në Arabinë Saudite për t'u takuar me avokatët vendas dhe për të shqyrtuar hapat e mëtejshëm ligjorë.

Autoritetet saudite nuk kanë bërë të ditur një datë për ekzekutimin. Sipas raportimeve, në raste të tilla ekzekutimet mund të kryhen pa njoftim paraprak për familjarët apo ambasadat. 

Rusia e hapur për takim Putin-Trump-Xi në samitin e APEC në Kinë

10:20 Bota

Rusia intensifikon sulmet ndaj Kievit, dy të vrarë pas goditjeve me raketa balistike

10:10 Bota

Protestat masive në Francë/ Nis rihapja graduale e shkollave, por studentët paralajmërojnë mobilizime të reja

09:40 Bota

Vance: Irani duhet të ulë ndjeshëm pasurimin bërthamor, për t'i dhënë fund luftës

09:30 Bota

Spanja përballë krizës së strehimit, Sánchez rikthen paketën me 21 masa dhe fondin 10 miliardë euro

09:20 Bota

Alarmi për murtajën në Siberi, Rusia refuzon ndihmën e Trump: Do ta përballojmë vetë

08:30 Bota

Miliarda dollarë armë amerikane për Lindjen e Mesme, SHBA miraton marrëveshje me tre shtete arabe

07:53 Bota

Panik në aeroportin e Los Anxhelosit, dy avionë përfshihen në një aksident në pistë

23:10 Bota

Plot 210 kg ar dhe gurë të çmuar/ Grabitet nga muzeu francez “libri më i çmuar në botë”

21:20 Bota

Trump për protestat studentore në Francë: Nuk kanë të bëjnë me shkollat, Islami dëshiron të pushtojë vendin

20:05 Bota 7 komente