U vodhi me dhunë varëset e floririt 2 shtetaseve/ Arrestohet 40-vjeçari në Durrës

Një 40-vjeçar është arrestuar në Durrës pasi u vodhi me dhunë varëset e floririt dy shtetasve në rrugë.

Në pranga është vënë shtetasi P.C., banues në Shkodër, i cili u kap në flagrancë ditën e djeshme në lagjen nr. 5, ku dyshohet se i vodhi me dhunë, nga qafa, varësen e floririt, shtetases R. T.

Nga verifikimet rezultoi se shtetasi P. C. ishte shpallur në kërkim, pasi dyshohet se më datë 02.10.2026, në lagjen nr. 5, Durrës, i ka vjedhur me dhunë, nga qafa, varesën e floririt, shtetases Gj. J.

Njoftimi i policisë:

Durrës

Iu vodhi me dhunë varëset e floririt, 2 shtetaseve, në rrugë, kapet në flagrancë dhe vihet në pranga 40-vjeçari. 

Shërbimet e Komisariatit të Policisë Durrës, menjëherë pas marrjes së njoftimit se në lagjen nr. 5 Durrës, një shtetaseje i kishin vjedhur me dhunë varësen e floririt, kanë organizuar punën për identifikimin dhe kapjen e autorit. 

Si rezultat i veprimeve të shpejta, u kap dhe u vu në pranga shtetasi P. C., 40 vjeç, banues në Shkodër. 

Ky shtetas u kap në flagrancë nga shërbimet e Policisë, dje, në lagjen nr. 5, Durrës, ku dyshohet se i vodhi me dhunë, nga qafa, varësen e floririt, një shtetases R. T.

Nga verifikimet rezultoi se shtetasi P. C. ishte shpallur në kërkim, pasi dyshohet se më datë 02.10.2026, në lagjen nr. 5, Durrës, i ka vjedhur me dhunë, nga qafa, varesën e floririt, shtetases Gj. J.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme. /CNA