Ibrahimaj: Prokurimet publike do të gjurmohen nga fondi deri te fiskalizimi

Ministrja e Ekonomisë dhe Inovacionit, Delina Ibrahimaj, ka bërë të ditur se qeveria po përgatit një model të ri për prokurimet publike, me synim rritjen e transparencës, kontrollit dhe gjurmueshmërisë së fondeve.

Pas përfundimit të mbledhjes së qeverisë, Ibrahimaj tha se brenda vjeshtës pritet të nisin procedurat për përdorimin e inteligjencës artificiale në prokurimet publike. Sipas saj, procesi do të shoqërohet edhe me ndryshime në mënyrën e zhvillimit të prokurimeve, në mënyrë që qytetarët të kenë më shumë informacion dhe akses.

“Duke qenë se presim që shumë shpejt, brenda vjeshtës së këtij viti, të nisim procedurat e inteligjencës artificiale në prokurimet publike, donim të rishikonim mënyrën si ato bëhen, që të jenë më të prekshme për qytetarin. Në procesin e Pasqyrë Albania, të kemi një informacion të detajuar mbi prokurimet publike, ku qytetarët të kenë akses mbi cilat janë prokurimet që kryhen dhe mbi zbatimin e kontratave të prokurimeve”, deklaroi Ibrahimaj.

Ministrja tha se sot është prezantuar edhe një model i ri, në të cilin Operatori i Blerjeve të Përqendruara do të ketë një rol më të madh në proceset e prokurimit publik.

“Sot është prezantuar një model në të cilin Operatori i Blerjeve të Përqendruara do të marrë më shumë peshë në kryerjen e proceseve të prokurimeve publike, por do të sinkronizohen të gjitha sistemet e Ministrisë së Financave, të Agjencisë së Prokurimit Publik dhe Operatorit të Blerjeve të Përqendruara, zbatimit të kontratave dhe pikën finale të sistemeve të fiskalizimit”, u shpreh ministrja.

Sipas Ibrahimajt, integrimi i këtyre sistemeve do të bëjë të mundur ndjekjen e fondeve publike gjatë gjithë procesit, nga prokurimi deri te zbatimi i kontratës dhe fiskalizimi.

“Në çdo moment fondet publike të jenë të gjurmueshme, të kontrollueshme dhe transparente për të gjithë ata që do të jenë të interesuar”, theksoi Ibrahimaj.

VIDEO/ Mungon dakordësia në BE për mbylljen e kapitullit 20, Ibrahimaj: I kemi përmbushur detyrimet, fondet IPARD në fazat finale

14:30 Ekonomia

Buxhet historik, 10 miliardë euro në 2027. Qeveria: Fokus pensionistët dhe mbështetja sociale

13:10 Ekonomia 1 koment

Partneritet për inovacionin - Italia dhe Shqipëria forcojnë bashkëpunimin për startup-et

12:10 Ekonomia

Bordi i Transparencës vendos çmimet e reja të karburanteve

10:50 Ekonomia 1 koment

Efektet e rezervës së sigurisë te nafta, operatorët llogarisin rritje të çmimit final 6.1 lekë/litër

08:21 Ekonomia 1 koment

Karakaçi: Po përgatitim kontratën e shërbimit për transportin hekurudhor Tiranë-Durrës-Rinas, përcaktohen oraret dhe financimi

14:10 Ekonomia 12 komente

Parashikimi i Bankës Botërore për Shqipërinë: Rritja ekonomike do të ngadalësohet

13:50 Ekonomia 1 koment

Shqipëria drejt gazit të TAP-it, “Fier South Exit Point” pritet të përfundojë në fund të 2027

12:10 Ekonomia 3 komente

Nisma e re e qeverisë, pensionistët e punësuar që paguajnë sigurime do marrin bonus ose rritje

11:20 Ekonomia 5 komente

Falja me kusht, Tatimet: 57 ditë afat për të hequr dorë nga ankimimet administrative

10:40 Ekonomia 1 koment