"Rama është kthyer në avokat të..."/ Berisha: Vetëm revolta mund të shpëtojë shqiptarët nga narkosh...
"Stabilitet institucional"/ Zgjedhja e presidentes së re, reagon Albin Kurti: Do punojmë bashkë për suksesin e ish-krerë...
Dita e 129-të e protestës/ Qytetarët marshojnë drejt Kryeministrisë, thirrje: Poshtë narko-shteti 6 Tetor, 19:09...
Thellohet ngërçi politik në Kosovë/ Bekim Sejdiu i përgjigjet Kurtit: Jam tërhequr nga gara për president ...
• Kryetari i Partisë Demokratike, Sali Berisha, u bëri thirrje qytetarëve nga e gjithë Shqipëria të marrin pjesë në protestën e paralajmëruar kundër reformës territoriale, ndërsa akuzoi qeverinë se po redukton numrin e bashkive për interesa politike dhe elektorale. • Në mbledhjen e grupit parlamentar të PD-së, Berisha deklaroi se qeveria synon të ‘ekzekutojë’ 15 bashki, duke e çuar numrin e njësive vendore në 41. • Sipas tij, ndryshimi territorial është pjesë e një politike që synon shpopullimin dhe konsolidimin e pushtetit. • Berisha tha se qytetarët, pavarësisht bindjeve politike, duhet të bashkohen në protestë për të kundërshtuar reformën. • Lideri i demokratëve Sali Berisha u shpreh se, parlamenti është kthyer në mbështetës të Edi Ramës dhe narkoshtetit të tij. • Ai u ndal te disa prej çështjeve që opozita ka denoncuar ditët e fundit, duke përmendur edhe akuzat lidhur me tendera dhe kontrata publike. • Berisha pretendoi se kryeministri Edi Rama po mbron persona dhe kompani që, sipas tij, janë të lidhura me aferat korruptive. • Kryedemokrati foli edhe për aktivitetin e call center-ave në Shqipëri dhe akuzoi disa figura politike se kanë lidhje me një rrjet kriminal të lidhur me mashtrimet përmes këtyre kompanive. • Ai përmendi dënimin e një gruaje me një fëmijë 6-muajsh, e cila sipas tij është dënuar me burg, duke e përdorur rastin për të kritikuar trajtimin e punonjësve të call center-ave dhe hetimin e strukturave që, sipas tij, qëndrojnë pas tyre. • Në fund, Kreu PD-së kërkoi mobilizimin e qytetarëve dhe deklaroi se protesta duhet të shërbejë si mjet presioni politik ndaj qeverisë.
2 artikuj për këtë temë.
TIRANË- Kreu i Partisë Demokratike Sali Berisha ka deklaruar se vetëm revolta mund t’i shpëtojë shqiptarët nga “narkoshteti” i Edi Ramës. Në deklaratën e tij, Berisha sulmoi kryeministrin duke e akuzuar se është shndërruar në “avokat publik” të zyrtarëve që opozita i ka denoncuar për çështje të ndryshme.
"Barometri i urrejtjes popullore ndaj parlamentit dhe Edi Ramës po arrin në nivelet më të larta dhe natyrisht është revolta dhe vetëm revolta ajo që mund të shpëtojë shqiptarët nga narkoshteti i Edi Ramës. Siç keni konstatuar këto ditë, ai është shndërruar në një avokat publik të hapur të bandës së tij kriminale në AKSHI, të Mirlindës dhe Lindës, të Ergys Agasit dhe Vlora Hysenit, dhe tani edhe të Roni Yeffetit, Arjet Autoblindës dhe famëziut Ardi Veliu. Duke faktuar se ata nuk janë gjë tjetër veçse shërbëtorë të tij. Sot ai shkonte vizitonte garazhet e Arjetës, atje ku blejnë makinat me lekët e shtetit dhe ia shesin po shtetit.
S'ndodh kund në botë vetëm këtu. 45 milionë euro ka marrë kompania e Edi Ramës me Roni Iffetin. Dhe ju besoj e dëgjuat, kur ekipi i BKH-së hyri në banesën e Iffetit, ai haptas, në sfidë të hapur telefonoi katër herë Edi Ramës. I bëri thirrje hetimit t'ia hetojnë atë telefon. Dhe po sipas këtij burimi, tre herë të tjera i lidhi Rama. Kaq familjar, kaq shërbëtor i tyre është ky. Dhe sot, në një mburojë, në një mbrojtje për ta, shkon dhe viziton garazhet, fabrikat gjoja, ku makinat që i bëjnë me lekët e taksapaguesve ua shet ministrive. E padëgjuar ndonjëherë," tha Berisha./Dosja.al
TIRANË- Kryetari i Partisë Demokratike, Sali Berisha, ka reaguar lidhur me seancën plenare të parashikuar për ditën e nesërme, ku pritet të hidhet në votim drafti i Partisë Socialiste për Reformën Territoriale. Gjatë fjalës në mbledhjen e Grupit Parlamentar të PD-së, Berisha kundërshtoi projektin, duke pretenduar se reduktimi i numrit të bashkive bëhet për interesa elektorale dhe për të favorizuar qëndrimin e kryeministrit Edi Rama në pushtet.
Në këtë kuadër, kreu demokrat u bëri thirrje qytetarëve nga i gjithë vendi, pavarësisht bindjeve politike, që t’i bashkohen protestës së paralajmëruar para Parlamentit.
"Mblidhemi për seancën e nesërme në të cilën në mënyrën më kriminale Edi Rama ekzekuton, për hir të karriges së tij, 15 bashki dhe redukton në këtë mënyrë në 41 bashki, 41 njësi të qeverisjes vendore, në mbarë vendin. Në një vend më malor, përsa i përket sipërfaqes së mbuluar nga malet, se çdo vend tjetër në Evropë. Kjo politikë shpopullimi në funksion të pushtetit të tij, kryekëput në funksion elektoral, pa asnjë lloj kriteri tjetër, është një akt shumë i rëndë.
Një akt faktikisht shpallje armiqësie të hapur ndaj banorëve të këtyre bashkive, të cilët kanë reaguar me qytetari dhe në përgjithësi kundër këtij projekti. Përveç kësaj, Partia Demokratike në projektin e saj ka parashikuar 100 bashki dhe e ka lënë të hapur këtë projekt për shtimin bazë të konsultimeve të bashkive të tjera. Nesër qytetarët nga mbarë Shqipëria, pavarësisht nga bindjet e tyre politike, do bashkohen në një protestë për të mbrojtur interesat qytetare, sepse kundërshtimin për asgjësimin e bashkive e kanë dëshmuar në shumicën e rasteve qytetarët e të gjitha bindjeve politike.
Është shumë e rëndësishme kjo seancë në të cilën ne duhet t'u faktojmë qytetarëve shqiptarë se ky, person i shndërruar në padrinon e vendit nuk ka asnjë interes tjetër për ta përveçse interesave të pushtetit të tij, si të garantojë karrigen dhe mbijetesën mbi krimin monstruoz. Edi Rama po bën gjithçka të mbahet me çdo kusht në pushtet. Në këtë rast unë ftoj qytetarët nga mbarë Shqipëria të protestojnë për atë parlament që nuk meriton të ekzistojë.
Ai parlament është bërë zëdhënës i interesave më kriminale të Edi Ramës dhe organizatës së tij kriminale. Ai parlament është bërë mburojë e vjedhjeve më të mëdha, nga Edi Rama, Lubi Balluku e të tjerë. Ai parlament ka vendosur terrin dhe errësirën për qytetarët shqiptarë, të votojë në emër të interesave strikt të ngushta të Edi Ramës dhe deputetëve të skllavëruar prej tij, çdo ligj dhe vendim që bie ndesh me interesat e qytetarëve shqiptarë," tha Berisha./Dosja.al
