Dy ditë pas vendimit të Gjykatës së Apelit të Posaçëm për dosjen e grupit të Bruno Çobos, pesë prej...
SHOWBIZ
Dikur djalë “i lëvizshëm”/ Çfarë i tha Catherine Zeta Jones Michael Douglas që pranoi monogaminë?
PiranjatPërditësimi i fundit 7 Tetor 2026, 21:16
Michael Douglas ka rrëfyer një nga momentet vendimtare në fillimet e lidhjes së tij me Catherine Zeta-Jones, duke zbuluar se aktorja i kërkoi të zgjidhte mes saj dhe marrëdhënieve të tjera që kishte në atë periudhë.
Në një intervistë për “The Sunday Times”, aktori amerikan tregoi se kur u njohën në vitin 1998, ai nuk ishte ende i përkushtuar vetëm ndaj një lidhjeje. Catherine, 25 vite më e re se ai, i bëri të qartë se nuk do të vazhdonte nëse marrëdhënia nuk do të ishte monogame.
Douglas kujton se reagimi i tij ishte i menjëhershëm. Ai telefonoi personat me të cilët po shoqërohej dhe u dha fund atyre historive.
“Atë mbrëmje telefonova disa persona me të cilët po takohesha dhe kaq ishte”, tregoi aktori.
Historia e tyre nisi në vitin 1998 dhe dy vite më vonë çifti kurorëzoi martesën. Edhe pse në vitin 2013 kaluan një periudhë ndarjeje, Douglas dhe Zeta-Jones u rikthyen bashkë dhe sot kanë dy fëmijë.
Në kujtimet e tij të reja, “One Helluva Ride”, aktori ka folur hapur edhe për jetën sentimentale dhe për imazhin e “playboy”-it që e ka shoqëruar prej dekadash. Douglas ka mohuar gjithashtu se rehabilitimi i tij në vitet ’90 lidhej me varësinë ndaj seksit, duke thënë se ky version ishte krijuar nga tabloidet.
Pas më shumë se dy dekadash martesë, aktori e përshkruan ende lidhjen me Catherine si të rëndësishme për të: “Kemi pasur problemet tona, por e dua shumë.”
