Çfarë ndodhi?/ Rama largohet nga intervista me gazetarin amerikan

Kryeministri Edi Rama ka braktisur intervistën me gazetarin Andrew Callaghan, i cili ndodhet në Shqipëri në kuadër të një reportazhi për vendin.

Lajmi është bërë i ditur në faqen zyrtare të “Channel 5 with Andrew Callaghan”.

Krahas postimit ku shihet duke u intervistuar kryeministri, shkruhet: “Kryeministri shqiptar Edi Rama largohet nga intervista me Andrew Callaghan të 'Kanal 5' mes hetimeve më të gjera për korrupsion, pastrim parash, trafik droge dhe marrëdhënien e tij të biznesit me Jared Kushner. Intervista e plotë do të bjerë javën e ardhshme”.

Gjithçka mbetet për t'u parë në publikimin e plotë të intervistës për të mësuar edhe arsyet e largimit të Ramës.

Sipas detajeve të bëra publike, intervista ka në fokus zhvillimet e fundit në Shqipëri në lidhje me korrupsionin, pastrimin e parave, trafikun e drogës si dhe marrëdhënien e biznesit me Jared Kushner./ CNA