Joe Manganiello është vetëm pak ditë larg publikimit të librit të tij të ri me kujtime, 'Bloodlines', në të cilin ai ndan versionin e tij të historisë mbi arsyet e ndarjes nga ish-bashkëshortja Sofia Vergara në vitin 2023. Pas ndarjes, Vergara i tha një gazete spanjolle se martesa e tyre "mori fund sepse bashkëshorti im ishte më i ri; ai donte të kishte fëmijë, ndërsa unë nuk doja të bëhesha nënë në moshë të thyer."
Vergara ka një djalë 34-vjeçar, Manolo Gonzalez Vergara, me bashkëshortin e saj të parë Joe Gonzalez, dhe në atë kohë deklaroi se të pasurit fëmijë "nuk ishte më për të".
Manganiello e kundërshton këtë, duke thënë se hoqi dorë nga ideja për shkak të një sëmundjeje autoimune misterioze dhe kërcënuese për jetën, për të cilën ka shkruar në librin e tij. Manganiello tha se problemet e tij shëndetësore filluan menjëherë pasi ai dhe Vergara u martuan në vitin 2015, me simptoma që përfshinin dhimbje të tmerrshme abdominale që e bënin të pamundur ecjen. Ai gjithashtu përjetoi lodhje, dhimbje koke, skuqje me flluska dhe gjakderdhje rektale, duke humbur rreth 27 kilogramë gjatë shtatë viteve në vijim. "Po sëmuresha gjithnjë e më shumë," tha ai duke shtuar "Nuk më besohet që jam gjallë," tha Manganiello. "Ndihem sikur kam rilindur."
Në librin e tij ai shkroi se martesa e tij me Vergarën përfundimisht kishte "humbur çdo lloj emocionaliteti", madje pohoi se aktorja e njohur refuzonte ta përqafonte edhe kur ai i lutej.
Tani Manganiello është i fejuar me Caitlin O’Connor, me të cilën u njoh pasi kishte nisur procedurat e divorcit nga Vergara në vitin 2023. "Caitlin hyri në jetën time në momentin kur e kuptova qartë se ajo ishte rruga që duhej të ndiqja," – tha ai për revistën "People". Versus.al
