Deputetja Marjana Koçeku ka reaguar lidhur me debatin për reformën territoriale, duke u bërë thirrje deputetëve të PS-së që kanë kundërshtuar projektligjin të vijojnë të mbajnë qëndrimin e tyre.
Në deklaratën e saj, Koçeku thekson se deputetët që dalin kundër reformës nuk duhen konsideruar “rebelë”, ndërsa akuzon partinë e tyre se i ka kthyer shpinën qytetarëve.
“Deputetët e PS-së që kanë dalë kundër reformës territoriale duhet ta dinë se nuk janë ata rebelët. Partia e tyne asht rebele, që i ka kthy shpinën qytetarëve”, shprehet Koçeku.
Ajo shton se, nëse të njëjtët deputetë do ta kundërshtojnë sërish projektligjin për reformën territoriale, ata kanë përmbushur me dinjitet detyrën e tyre.
Një pjesë të rëndësishme të deklaratës së saj Koçeku ia kushton komuniteteve periferike, të cilat i cilëson si komunitete në nevojë.
“Mos i braktisni ato, siç i ka braktisë partia juej!”, apelon deputetja, duke e vendosur në qendër të debatit nevojën për të mos lënë pas komunitetet periferike.
