Një trup i pajetë është gjetur paraditen e kësaj të enjteje në rezervuarin e Zhejës, në fshatin Zhejë të Kurbinit. Sipas raportimeve, kanë qenë banorë të zonës ata që kanë njoftuar autoritetet për praninë e trupit në rezervuar.
Në vendngjarje ka mbërritur grupi hetimor, i cili ka nisur punën për identifikimin e personit të gjetur dhe për përcaktimin e rrethanave në të cilat ka ndodhur ngjarja. Autoritetet po kryejnë veprimet e nevojshme hetimore për të hedhur dritë mbi rastin.
Deri më tani nuk bëhen të ditura të tjera detaje mbi identitetin e viktimës apo shkaqet e vdekjes. Pritet që në vijim të ketë më shumë informacion nga autoritetet në lidhje me ngjarjen
