Policia e Durrësit ka dal me njoftim zyrtar lidhur me ngjarjen e rëndë të ndodhur mesditën e sotme, ku siç raportuam edhe më herët një shtetase angleze është gjetur pa shenja jete në një apartament në lagjen nr. 1.
Sipas njoftimit të policisë, rreth orës 12:50, shërbimet e Urgjencës Durrës kanë gjetur pa shenja jete shtetasen angleze E. S., 25 vjeçe. Gjithashtu në apartament është gjetur edhe fëmija e së resë, rreth 2 vjeç, në gjendje të mirë shëndetësore.
Nga këqyrja paraprake e trupit nuk janë konstatuar shenja dhune. Ndërkohë, grupi hetimor ndodhet në vendngjarje dhe po vijon punën për të zbardhur rrethanat dhe shkakun e vdekjes së 25-vjeçares.
Njoftimi plotë i policisë:
Rreth orës 12:50, në lagjen Nr.1, në një apartament, nga shërbimi i Urgjencës Durrës është gjetur pa shenja jete shtetasja angleze E. S., 25 vjeçe.
Nga këqyrja paraprake nuk janë konstatuar shenja dhune. Gjithashtu është gjetur edhe fëmija i kësaj shtetaseje, rreth 2 vjeç, në gjendje të mirë shëndetësore.
Grupi hetimor ndodhet në vendngjarje dhe po punon për përcaktimin e shkakut të humbjes së jetës dhe zbardhjen e plotë të rrethanave të ngjarjes.
Sondazh
Lexo gjithashtu
