Parlamenti italian miratoi sot me 227 vota pro dhe 164 kundër ligjin e ri zgjedhor të vendit.
Sipas kryeministres italiane, Giorgia Meloni, sistemi i ri do të ndihmojë në krijimin e qeverive të qëndrueshme. Ndërsa opozita e akuzon qeverinë se ndryshimet synojnë të favorizojnë qëndrimin e Melonit në pushtet.
Sistemi i ri bazohet në përfaqësimin proporcional, por parashikon një bonus mandatesh për koalicionin më të fortë, në rast se arrin të fitojë zgjedhjet me më shumë se 42% të votave.
Bonusi parashikon 70 deputetë nga 400 gjithsej dhe 35 senatorë nga 200, ndërsa koalicioni fitues nuk mund të ketë në total më shumë se 220 deputetë dhe 113 senatorë. Ky kufizim synon të shmangë krijimin e shumicave parlamentare tepër të mëdha.
Deri më tani, dy të tretat e deputetëve zgjidheshin përmes sistemit mazhoritar, ndërsa pjesa tjetër përmes sistemit proporcional, një formulë që përgjithësisht favorizonte opozitën.
Ndër ndryshimet e tjera, rikthehet vota preferenciale për të gjithë kandidatët, me përjashtim të kryesuesve të listave, të cilët do të zgjidhen automatikisht.
