Ukraina godet rafinerinë e madhe të naftës në Rusi

Ushtria ukrainase ka deklaruar se ka goditur një nga rafineritë më të mëdha të naftës në Rusi, e vendosur në qytetin e Omskut, në Siberi, rreth 2500 kilometra larg Ukrainës.

Autoritetet ushtarake ukrainase nuk dhanë detaje lidhur me dëmet e shkaktuara nga sulmi.

Rafineria e Omskut ishte goditur edhe në muajin korrik. Sipas palës ukrainase, impianti ka një rëndësi strategjike pasi furnizon me karburant ushtrinë ruse.