Reagon kreu i LDK-së, Abdixhiku pas ndryshimit të Ligjit për Specialen: Po, ju kanë mashtruar

Kryetari i Lidhjes Demokratike të Kosovës, Lumir Abdixhiku, ka reaguar pas miratimit të ndryshimeve në Ligjin për Dhomat e Specializuara, duke rikthyer në vëmendje qëndrimin e LDK-së kundër kësaj nisme.

Në një reagim në Facebook, Abdixhiku tha se brenda më pak se 48 orësh është bërë e qartë, sipas tij, se ndryshimet ligjore nuk prodhojnë efektin juridik që u ishte premtuar qytetarëve.

“Po, ju kanë mashtruar! Dhe po, ua kemi thënë!”, shkroi Abdixhiku.

Ai argumentoi se LDK-ja kishte paralajmëruar që më 5 tetor, në Kuvend, për rreziqet juridike dhe politike të nismës. Sipas tij, në vend që të dëgjoheshin argumentet e partisë, LDK-ja u sulmua politikisht dhe u akuzua si kundërshtare e UÇK-së.

“Do ta kishit kuptuar me kohë, sikur në vend të vërsuljes ndaj LDK-së dhe shpalljes së saj si kundërshtare të UÇK-së, të dëgjonit çfarë po thonim”, u shpreh ai.

Abdixhiku publikoi edhe qëndrimin zyrtar të LDK-së të mbajtur në Kuvend më 5 tetor, duke theksuar se partia kishte kërkuar që çështja të trajtohej me seriozitet juridik dhe në koordinim me aleatët.

Në qëndrimin e saj, LDK theksonte se lufta e UÇK-së është “e shenjtë”, por se ndryshimi i një ligji të zakonshëm nuk mund të zhbëjë një aktgjykim dhe as të anashkalojë Kushtetutën apo detyrimet ndërkombëtare të Kosovës.

“Nuk mund t’u premtojmë se një votim në Kuvend mund të zhbëjë një aktgjykim apo ta zëvendësojë betejën juridike”, thuhej në deklaratën e partisë.

LDK kishte paralajmëruar gjithashtu se dispozitat e reja mund të përballeshin me vlerësim kushtetues dhe se miratimi i tyre në Kuvend nuk garantonte automatikisht efektin juridik të pretenduar.

Pikërisht këtë qëndrim Abdixhiku e riktheu pas miratimit të projektligjit, duke shkruar se “nuk kalojnë as 48 orë dhe perdet bien”.

“Nuk e dëgjuan atëherë, le ta lexojnë me vëmendje sot”, u shpreh kreu i LDK-së.

LDK-ja nuk mori pjesë në votimin e ndryshimeve në Ligjin për Dhomat e Specializuara, ndërsa nisma u miratua nga Kuvendi i Kosovës.

Kurti takon presidenten e re të Kosovës, Justina Shiroka-Pula: Na presin shumë punë

12:30 Rajoni 6 komente

Fatura milionëshe e zgjedhjeve në Serbi

10:50 Rajoni

‘Mami im, Presidentja e Kosovës’/ Urimi i veçantë i vajzës së Justina Shiroka-Pulës

08:10 Rajoni 3 komente

Përplasje mes mbështetësve të Vuçiçit dhe studentëve në Beograd

22:45 Rajoni

Ballkani koordinohet për naftën - Grup i ri lidhet me mekanizmin europian për rezervat emergjente

16:30 Rajoni

BE: Votimi për Dhomat e Specializuara bie ndesh me detyrimet ndërkombëtare të Kosovës

14:20 Rajoni 18 komente

A ishte e ligjshme zgjedhja e presidentes? Përgjigjet ish-kreu i Gjykatës Kushtetuese në Kosovë

13:20 Rajoni 7 komente

Hoxha uron presidenten e re të Kosovës: Interesi i qytetarëve dhe i shtetit, mbi çdo ndarje politike

13:00 Rajoni 4 komente

Balla uron Presidenten e re të Kosovës: Mbrojtja e pastërtisë së luftës së UÇK, një sfidë e rëndësishme

12:31 Rajoni 5 komente

Kos paralajmëron nënshkrimin e traktatit të anëtarësimit me Malin e Zi verën e ardhshme

11:30 Rajoni 1 koment