José Mourinho duket se ende nuk ka arritur të sjellë qetësinë e shumëpritur në dhomën e zhveshjes së Real Madridit.
Sipas “Cadena SER”, atmosfera brenda skuadrës vazhdon të jetë e tensionuar, pavarësisht ndryshimit në stol.
Gazetari Antón Meana ka zbuluar në “El Larguero” se situata është pothuajse e njëjtë me atë të pesë muajve më parë.
Madje, brenda grupit madrilen raportohet se ka pasur edhe një përplasje fizike mes dy futbollistëve.
Identitetet e lojtarëve nuk janë bërë të ditura, ndërsa episodi ka rikthyer shqetësimet për gjendjen e skuadrës.
Ky zhvillim vjen pasi edhe sezonin e kaluar Real Madridi u përball me tensione serioze mes futbollistëve.
Në atë periudhë, Federico Valverde dhe Aurélien Tchouaméni u përfshinë në një konflikt që përfundoi me ndërhyrjen e klubit.
Valverde madje përfundoi në spital pas një rrëzimi dhe përplasjes me një tavolinë, ndërsa ndaj të dyve u hap procedurë disiplinore.
Mourinho, kur mori drejtimin e skuadrës, deklaroi se kishte ardhur me shumë informacion, por dëshironte të niste gjithçka nga e para.
Trajneri portugez kishte theksuar gjithashtu se marrëdhënia mes Valverdes dhe Tchouaménit dukej normale.
Megjithatë, raportimet e fundit tregojnë se tensionet në grup mund të mos jenë zhdukur.
Real Madridi rikthehet tani në një seri ndeshjesh vendimtare pas pauzës së kombëtareve.
Në horizont janë Villarreal, Roma në Champions League dhe supersfida ndaj Barcelonës në La Liga.
Barcelona kryeson aktualisht me pesë pikë avantazh, duke e bërë situatën edhe më delikate për Mourinhon.
Ndërkohë, misteri mbetet i madh: cilët janë dy lojtarët që u përplasën këtë herë?
