Miratohet reforma e Ramës/ Socialistët në rresht, Koçeku: Prisja që të kishte një farë reflektimi të brendshëm

E ftuar në emisionin e mëngjesit ‘Kafe Shqeto’ në Syri tv ka qenë deputetja Marjana Koçeku.

Në bisedë me moderatorin Flavio Qarri ajo ka komentuar zhvillimet e fundit që kanë të bëjnë më reformën territoriale dhe votimin e saj në Kuvend.

Flavio Qarri: E prisnit që të mos kishte asnjë thyerje nga ai blloku solid o prej 85 votash në PS

Marjana Koçeku: Ditët e fundit duke patur parasysh edhe ngritjen e protestuesve dhe reagimin e atyre bashkive që tashmë do të shkrihen prej kësaj reforme, kam bërë thirrje vazhdimisht ndaj deputetëve të Partisë Socialsite, sidomos ndaj atyre që patën një farë revolte të brendshme për ta kundërshtuar me votë këtë reformë, diçka qe edhe ata e shprehen në disa momente që nuk ishin në dakortësi me mënyrën se si po zhvillohej kjo reformë so ishin bërë konsultimet dhe terreni, Paçka që ajo që ndodhi mbrëmë më votimin final tregoi të kundërtën. Kisha pritshmëri të mëdha edhe nga ana e publikut, protestuesit/ të them të drejtën kisha pritshmëri edhe nga ana e ime.

Flavio Qarri: Si u ndjetë pasi dëgjuat njoftimin e Niko Peleshit 85 vota pro. Është një shifër e frikshme.

Marjana Koçeku: Ka patur shumë diskutime për këtë reformë, edhe unë jam shprehur kundër saj sepse së pari në asnjë moment nuk është dëgjuar komuniteti. Ne e pamë se si votuan Këshillat Bashkiakë që votuan kundër. Nuk u bënë konsultimet ne terren, nuk pati këshillim as ekspertë, as me praninë ndërkombëtare çka do të thotë se nuk e kanë mbështetur as aktorët ndërkombëtarë. Nuk pati konsultime, as me shoqërinë civile as me akademikët dhe për me tepër ishte një kohë shumë e shkurtër ti dedikohesh një reformë me një rëndësi kaq të madhe.

Sepse, tani e në vazhdim shumicën e ligjeve që ne si parlament do të votojmë do influencohen drejtpërsëdrejti nga kjo reformë dhe janë lidhe që kanë të bëjnë edhe me përfarimin me legjislacionin e BE. Pra pasojat dhe efektet janë shumë më të mëdha në të gjithë sektorët dhe fushat e shoqërisë sonë dhe të institucioneve që ne kemi.

Pikërisht për këtë prisja që të kishte një farë reflektimi të brendshëm.